Müdafiə Nazirliyində vacib iclas | Nələr müzakirə edildi?

“Heç kimin bizimlə diktat və ultimatum dilində danışa bilməməsi üçün Azərbaycan Ordusu döyüş hazırlığı və peşəkarlığını daim yüksək səviyyədə saxlamalıdır”.

Bunu müdafiə naziri Zakir Həsənov avqustun 3-də Müdafiə Nazirliyində 2024-cü ilin birinci yarımilliyinin yekunlarına dair geniş tərkibli kollegiya iclasında deyib.

Müdafiə nazirinin rəhbərliyi ilə videobağlantı formatında keçirilən iclasda nazir müavinləri, qoşun növü komandanları, baş idarə, idarə, xidmət və müstəqil şöbə rəisləri, hərbi birlik və birləşmə komandirləri, həmçinin xüsusi təyinatlı təhsil müəssisələrinin rəisləri iştirak ediblər.

Havadarları tərəfindən silahlandırılan Ermənistanın regionda vəziyyəti gərginləşdirmək məqsədilə şərti sərhəddə törətdiyi təxribatlara qarşı bölmələrimiz tərəfindən həyata keçirilən təxirəsalınmaz tədbirlər və mövcud əməliyyat şəraiti təhlil edilib.

Nazirliyin rəhbər heyəti geniş məruzələrlə çıxış edib.