Müharibənin həkim qəhrəmanlarından kövrəldən xatirələr | “Bunları həqiqətən yaşamışıq...”

09 noyabr 2025 154 baxış

44 günlük Vətən müharibəsində qazanılan tarixi qələbənin arxasında yalnız ön cəbhədə döyüşən əsgərlər deyil, həm də onların yanında həyatlarını riskə ataraq fədakarcasına çalışan tibb işçiləri dayanırdı.

Müharibənin ən qaynar nöqtələrində həkimlər və kiçik tibb personalı yaralıların həyatını xilas etmək üçün gecə-gündüz demədən mübarizə aparıblar.

Müharibənin həkim qəhrəmanları Baku TV-yə danışarkən o günləri kövrək hisslərlə xatırlayıblar.

Travmatoloq-ortoped Fuad Əyyubovun sözlərinə görə, onlar döyüş bölgələrindən biri olan Qubadlıya qədər irəliləyiblər:

“Qubadlıya qədər yolumuz uzanıb. Yaralı əsgərin ayağına tikiş qoyurduq, həmin dəqiqə “ön xəttə nə vaxt gedə bilərəm, məni tez sağaldın, qayıdım ora” deyirdi. Hətta ayağını itirmiş zabit belə “heç nə olmaz, bunun bir çarəsinə baxın, yenidən qayıtmalıyam, orada mənim yoldaşlarım var” deyirdi”.

#İkinci Qarabağ müharibəsi