Mütəxəssislər illərdir davam edən mübahisəyə son qoydular

Şəxsi gigiyena məqsədilə istifadə etdiyimiz bərk və maye sabunların hansının istifadəsinin daha sağlam olduğu açıqlanıb.

Mütəxəssislər sözügedən sabun növlərinin düzgün istifadə üsulları və saxlanılma şəraiti barədə məlumat veriblər.

Bərk sabunlar dəri üzərində birbaşa sürtünmə yaratdığından dəridə toplanan kir və yağların təmizlənməsində effektivdirlər. Bərk sabunlar nəmli saxlanıldıqda səthində zərərli mikroorqanizmlər yaranır. Ona görə də istifadədən sonra sabunları quru saxlamaq lazımdır.

Ekspertlərin sözlərinə görə, maye sabunlar antibakterial xüsusiyyət daşıdığından dəridəki mikroorqanizmlərin yaranmasının da qarşısını almağa kömək edir. Bərk sabuna nisbətən daha çox köpüklənməsi ilə də təmizliyi asanlaşdıran maye sabunlar gündəlik istifadəyə uyğundur.

Mütəxəssislərin sözlərinə görə, gündəlik təmizlikdə dəri quruluşunu qorumaq üçün maye sabun seçmək daha məsləhətlidir.