Nazir aclıq fəlakətindən danışdı: dəhşətə gətirən statistika

“Hazırda dünyada 2,4 milyard insan özünü ərzaqla yetərincə təmin edə bilmir, 783 milyon insan aclıqdan əziyyət çəkir. Bu göstəricilər son illər artır”.

Bunu kənd təsərrüfatı naziri Məcnun Məmmədov ADA Universiteti və BMT-nin Ərzaq və Kənd Təsərrüfatı Təşkilatının (FAO) Azərbaycandakı Tərəfdaşlıq və Əlaqələndirmə Ofisinin təşkilatçılığı ilə Bakıda Ümumdünya Qida Günü münasibətilə keçirilən, Kənd təsərrüfatı və qida elmləri fakültəsinin açılışına həsr olunmuş tədbirdə bildirib.

“Statistik göstəricilərin bu qədər yüksək olmasına baxmayaraq, dünyada ərzaq itkisinə və israfa bu gün də yol verilir. Qeyd olunan göstəriciləri nəzərə alaraq bütün dövlətlər beynəlxalq təşkilatlarla birlikdə güclərini birləşdirməli və ərzq itkisinə qarşı tədbirləri gücləndirməlidir. Bununla yanaşı, dünyada sağlam qidalanma və kənd təsərrüfatının dayanıqlı inkişafı üçün qabaqcıl təcrübə tətbiq edilməlidir”.