Nazirlikdən şagirdlərlə bağlı vacib açıqlama | Valideynlərin nəzərinə

Əksər valideynlər, elə şagirdlər də ev tapşırıqlarının çoxluğundan şikayət edirlər.

Deyirlər ki, həm məktəbdə dərs oxumaq, həm də evə qayıtdıqdan sonra uzun müddət ev tapşırıqlarını etmək şagirdləri yorur. Onların demək olar ki, boş vaxtları qalmır.

Bəs əslində, bu necə tənzimlənməlidir?

Mövzu ilə bağlı Elm və Təhsil Nazirliyindən bildirilib ki, ev tapşırıqları zamanı şagirdlərin onları hansı müddətdə yerinə yetirməsi imkanları nəzərə alınmalıdır:

“Bu müddətlər 1-ci sinifdə 1 saata qədər, 2-ci sinifdə 1 saat yarıma qədər, 3-4-cü siniflərdə 2 saata qədər, 5 və 6-da 2 saat yarıma qədər, 7 və 8-ci siniflərdə 3 saata qədər, 9 və 11-ci siniflərdə isə 4 saata qədər təşkil etməlidir”.

Qeyd edək ki, ev tapşırıqlarına şifahi mövzular da daxildir. Nəzərə alsaq ki, yola sərf olunan vaxt daxil gün ərzində azı 9 saat şagird məktəbə sərf edir, hər növbəti gün üçün o, 6-7 fənn üzrə tapşırıq yerinə yetirməli olarsa, deməli, gün ərzində şagirdin istirahətinə heç 1 saat da vaxt qalmır.