Nikah qadınları daha incə saxlayır? | Alimlərindən maraqlı araşdırma

Evli kişilərin piylənmə ehtimalı subaylara nisbətən üç dəfə çoxdur. Nikahda olan qadınların isə incə qalması ehtimalı daha yüksəkdir.

Bu barədə Polşa alimlərinin araşdırmasında qeyd olunur.

Varşava Milli Kardiologiya İnstitutunun tədqiqatçıları orta yaşı 50 olan 2405 nəfərin sağlamlıq məlumatlarını təhlil ediblər.

Tədqiqatçılar müxtəlif amillərin, o cümlədən yaş, ailə vəziyyəti və psixi vəziyyətin çəki artımına necə təsir etdiyini öyrənməyi hədəfləyiblər.

Nəticələr göstərib ki, evlilik artıq çəkidən əziyyət çəkmə ehtimalını kişilərdə 62%, qadınlarda isə 39% artırır.

Alimlərin fikrincə, kişilər evləndikdən sonra çox yemək və fiziki aktivliyin azalması səbəbindən kökəlməyə meyllidirlər. Qadınlar isə öz növbəsində qismən sosial təzyiq altında çəkilərini daha effektiv şəkildə idarə edirlər.

Yaşın da çəkiyə təsir etdiyi müəyyən edilib: hər il artıq çəki riski kişilərdə 3%, qadınlarda isə 4% artır.