O gün gözlərimə inanmadım | Cəbhədən gəlib bəylik kürsüsünə oturan hərbçinin ailəsi

Sosial şəbəkələrdə döyüşdən çıxıb öz toyuna yola salınması görüntüləri yayılan hərbçi Cəfər Cəfərovun ailəsi Baku TV-yə danışıb.

Vətən müharibəsinin iştirakçısı olan Cəfərin atası Arif Cəfərov oğlunun toy gününü xatırlayıb və çətin anlar yaşadığını qeyd edib.

“Cəfərin toyu idi, amma özü hələ gəlməmişdi. Müharibədir, hər şey ola bilərdi. Mənimlə bərabər digər yaxınları da narahat idilər. Danışıb-gülürdülər ki, mən pis olmayım. Özü demişdi ki, toyu dayandırın. Amma mən ümidimi üzmədim. Oğlum gəlib toyuna çatanda gözlərimə inanmadım”, – deyə hərbçinin atası söyləyib.