O pedofil qızımı otağa aparıb ki... | Azərbaycan millisinə qatılan idmançının anası danışdı

Azərbaycan milli komandasına yeni cəlb edilən fiqurlu konkisürən Veronika Jilina cinsi təcavüzə məruz qalıb.

Bu barədə əslən rusiyalı idmançının anası və "Angelı Plyuşenko" akademiyasının məşqçisi Lyudmila Alferova "Barxatnıy Konyok" "Telegram" səhifəsinə açıqlamasında deyib.

"Qızımın 11 yaşı olanda xoreoqraf Sergey Rozanovun onu necə incitməsini desəm, şoka düşəcəksiniz. Kislovodska getdim, Veronika mənə hər şeyi danışdı. Bunu ictimailəşdirmək istəmədilər. Uşaq mənə zəng edib dedi ki, Rozanov onu öz otağına aparır. Heç kim ona kömək etməyib. Yevgeni Plyuşenko bundan xəbər tutandan sonra onu akademiyadan qovdu.

Rozanovun ağlı yeniyetməlik illərində qalıb. O, balaca uşaqlara meyil edir. Bütün digər uşaqlar və onların valideynləri məni eşitməlidirlər. Bu pedofil haqqında hər kəs bilməlidir!", ‒ deyə L.Alferova bildirib.

L.Alferova insidentlə bağlı ətraflı müsahibə verəcəyini əlavə edib.

Qeyd edək ki, Veronika Jilinanın hazırda 16 yaşı var. Yazda onun növbəti mövsümdən Azərbaycan millisini təmsil edəcəyi məlum olub.