Obyektdəki güclü yanğının təfərrüatı | FHN-dən mühüm açıqlama

Bakı şəhəri, Nizami rayonu ərazisində yerləşən obyektdə baş vermiş yanğınla əlaqədar dərhal əraziyə Fövqəladə Hallar Nazirliyinin Dövlət Yanğından Mühafizə Xidməti və Bakı Regional Mərkəzinin qüvvələri cəlb olunub.

Bu barədə Fövqəladə Hallar Nazirliyindən bildirilib.

Qeyd olunub ki, yanğından mühafizə bölmələrinin çevik müdaxiləsi sayəsində obyektdə baş verən yanğın daha geniş sahəyə yayılmasına imkan verilmədən qısa müddətdə söndürülüb:

“Yanğın nəticəsində obyektin ərazisində hər mərtəbəsi 1873 kvadratmetr olan ikimərtəbəli mansard tipli binanın ikinci mərtəbəsində ümumi sahəsi 88 kvadratmetr olan otağın yanar konstruksiyaları 48 kvadratmetr sahədə, binanın dam örtüyü 1721 kvadratmetr sahədə və bitişik ümumi sahəsi 308 kvadratmetr olan talvarın yanar konstruksiyaları 40 kvadratmetr sahədə yanıb. Binanın qalan hissəsi və yaxınlıqdakı tikililər yanğından mühafizə olunub”.