Ohanyan səngərlərini darmadağın etmişdi | Ailəsi şəhid oğlunun qəhrəmanlığından danışdı

Vətən müharibəsində misilsiz igidlik nümunələri göstərən qəhrəmanlardan biri də gizir Cavid Sahratovdur.

Baku TV-yə şəhidin döyüş yolundan danışan atası Əlikömək Sahratov söyləyib ki, oğlu sağlığında düşməndən qisasını ala bilib:

“Cavid Aprel döyüşlərində də iştirak etmişdi. Vətən müharibəsində isə 15 gün döyüşdü. Ohanyan səngərlərini darmadağın etdi”.

Oğlunun tabutunu son mənzilə çiynində daşıyan şəhid anası Səkinə Sahratova isə həmin anı xatırlayıb: “Dedim ki, mən Cavidi 5 yaşında bulaqdan başımın üzərində gətirmişəm, tabutunu da başımda aparacağam”.