Ölkəmizdə bahalaşan və ucuzlaşan qidaların siyahısı | Statistika açıqlandı

Cari ilin iyun ayında əvvəlki aya nisbətən ayrı-ayrı qida məhsullarından daha çox bahalaşma uzun düyü, kolbasa məmulatları, balıq və balıq məhsulları, günəbaxan və qarğıdalı yağları, limon, göyərti və təbii balın qiymətlərində müşahidə edilib.

Dövlət Statistika Komitəsinin məlumatına görə, iyunda əvvəlki aya nisbətən ayrı-ayrı qida məhsullarından ucuzlaşma yumurta, banan, armud, alça, ərik, çiyələk, ağ kələm, xiyar, pomidor, şirin bibər, badımcan, lobya, süfrə çuğunduru, yerkökü, sarımsaq, soğan və kartofun qiymətlərində müşahidə olunub.

Qeyd edilib ki, 2025-ci ilin iyun ayında qeyri-qida məhsulları üzrə istehlak qiymətləri indeksi əvvəlki aya nisbətən 100,1 faiz, yanvar-iyun aylarında isə əvvəlki ilin müvafiq dövrünə nisbətən 102,7 faiz təşkil edib.

İyun ayında əvvəlki ayla müqayisədə qeyri-qida məhsullarından bahalaşma divar kağızları, boyalar, şəxsi gigiyena məmulatları, ucuzlaşma isə kəsilmiş taxta, laminat parket, yumşaq mebel və ortopedik döşəklərin qiymətlərində müşahidə olunub. Digər qeyri-qida məhsullarının qiymətlərində ciddi dəyişikliklər qeydə alınmayıb.