Orqanizm barədə maraqlı faktlar | Soyuq otaqda yatanlar…

İnsan orqanizmi haqqında maraqlı faktlar açıqlanıb.

Onlardan biri odur ki, insanların öz beyninin maksimum 10 faizini istifadə etməsi mifdir. Əslində beynin bütün aktiv hissələri istifadə olunur.

Digər maraqlı fakt isə insanın təmasda ola biləcəyi bərk əşyanın temperaturu ilə bağlıdır. İnsan istiliyi 50 dərəcə ola bilən bərk əşyaya toxuna bilər. Daha isti əşya yanıq xəsarətlərinə səbəb olur. 160 dərəcə istlik olan yerdə isə insan ziyan görmədən ən çox 2 dəqiqə qala bilər.

Başqa maraqlı fakta gəlincə, kişilərin orta boyu 175, qadınlarda isə 165 santimetrdir. Son dövrlərdə isə hər iki cinsin nümayəndələrində inkişaf qeydə alınır. Orta ömür müddəti isə 79 ildir. İnsan yuxusuz 11 gün yaşaya bilər. Susuz qala bilmə müddəti maksimum 9 gündür. Qidasız 2 aya qədər həyatda qalmaq mümkündür.

Başqa maraqlı fakt yuxu ilə bağlıdır. Belə ki, soyuq otaqda yatanlar pis yuxu görür. Beynəlxalq qanköçürmə cəmiyyəti insanlarda 4 qan qrupu yox, 29 sistemin olduğunu iddia edirlər. Ən nadiri isə bombey altqrupudur. Bu qan qrupuna sahib olanlar Hindistanda yox, Yaponiyada yaşayırlar.

İnsan öskürəyinin sürəti saatda 160 kilometrə bərabərdir, bəzən saatda 900 kilometrə də çatır. İnsan 17 terrabayt məlumatı yadda saxlasa da, yuxularının 98 faizini unudur.