Perinatal Mərkəzlə bağlı istintaq bitdi | Məsuliyyətə cəlb olunanlar...

Respublika Perinatal Mərkəzində 6 körpənin ölümünə səbəb olan yanğın hadisəsi ilə bağlı ibtidai istintaq başa çatıb.

Məlumata görə, iş üzrə toplanmış materiallar yaxın günlərdə baxılması üçün məhkəməyə göndəriləcək.

Baş vermiş hadisəyə görə Prokurorluq tərəfindən Mərkəzin rəhbəri Mehriban Abasquliyeva, Anesteziologiya, reanimasiya və intensiv terapiya şöbəsinin müdiri Hamlet Mustafayev və Dəstək xidmətləri şöbəsinin müdiri Elnur Əhmədli cinayət məsuliyyətinə cəlb ediliblər.

8 ay davam edən istintaq zamanı Hamlet Mustafayev və Elnur Əhmədliyə Cinayət Məcəlləsinin 225.3-cü, Mehriban Abasquliyevaya isə həmin Məcəllənin 314.3-cü maddəsi ilə ittiham elan olunub.