Peyğəmbərə niyə cinli deyirdilər? - "Ədəbiyyat üzrə professorsan, roman yaza bilmirsən"

“Amin” verilişinin yeni buraxılışı yayımlanıb.

Proqramın budəfəki buraxılışında filologiya üzrə fəlsəfə doktoru Pərvin Nurəliyeva və ilahiyyatçı Kövsər Tağıyevlə ədəbiyyat və əbədiyyət mövzusu müzakirə edilib.

İnsanın yaddaşlarda qalmaq arzusundan söz açan Pərvin Nurəliyeva bildirib ki, istənilən yaradıcı şəxsin ölümündən sonra adını tarixə yazmaq iddiası var:

“Onlar sözün və kitabların vasitəsilə adlarını əbədiləşdirmək istəyirlər. Belə olan halda deyə bilərik ki, ədəbiyyatın içində də Axillesin ürəyindəki ehtiraslar var”.

Verilişdə həmçinin Kövsər Tağıyev insan ruhunun yönəldiyi sonsuzluq arzusundan bəhs edib.

“Ruhumuz tükənmək istəmədiyi üçün əbədiyyət fikri bizə müsbət təsir edir. Bu baxımdan ədəbiyyat da ülvi olana doğru gedir. Təsadüfi deyil ki, “Qurani-Kərim”in nazil olduğu dövrlərdə şeir sənəti ilə öyünən ərəblərin inancına görə, hər şairin ona xidmət edən bir cini olub. Düşünürdülər ki, cinlər ülvi aləmdən şairlərə xəbər gətirir. Mənalı sözlərin insan beyninin məhsulu olduğuna inanmırdılar. Hətta peyğəmbərə də cinli demişdilər”, ‒ deyə o bildirib.