Piyada zonaları ilə bağlı dəyişiklik | Sakinlər təəssüratlarını bölüşdü - Baku TV

“Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramı” çərçivəsində piyada zonalarının salınması işləri davam etdirilir.

Layihəyə əsasən, paytaxtın iki əsas piyada zonası – “Atatürk” və “Antena” parkları bir-birinə birləşdirilir. Qeyd edək ki, sözügedən ərazi əvvəllər piyadalar üçün çoxsaylı maneələrin və tənzimlənməyən parklanma yerlərinin mövcud olduğu bir məkan olub. Həyata keçirilən layihənin məqsədi isə bu ərazini piyadalar üçün rahat şəhər mühitinə çevirməkdir.

Vurğulayaq ki, artıq Bakı sakinləri və paytaxtın qonaqları maneəsiz şəkildə “Atatürk” parkından “Antena” parkına, oradan isə “Dədə Qorqud” parkına keçid edə biləcəklər.

Layihə çərçivəsində “Atatürk” parkının giriş hissəsində yaşıllıq zonası, oturacaqlar, uşaq meydançası və digər infrastruktur obyektləri qurularaq müasir, cəlbedici ictimai məkan yaradılacaq. Həmçinin ictimai nəqliyyat və ticarət obyektləri arasında piyada əlaqəsi təmin ediləcək.