Planetin xilaskarları Şamaxıda | Gələcəyin eko-məktəbləri necə olacaq? | COP BAKU

07 sentyabr 2025 169 baxış

“COP BAKU” verilişinin yeni buraxılışı yayımlanıb.

Proqramın budəfəki buraxılışında Şamaxıda keçirilən COP29 İqlim Dəyişmələri üzrə İkinci Yay Düşərgəsindən bəhs olunub.

Bildirilib ki, tədbirdə 40 beynəlxalq və 10 yerli karyera pedaqoqu iqlim dəyişikliyinə qarşı mübarizə yollarını və “yaşıl təhsil” modelini müzakirə edib.

Qeyd olunub ki, açılışda çıxış edən Prezidentin iqlim məsələləri üzrə nümayəndəsi Muxtar Babayev “yaşıl təhsil”in önəmini vurğulayaraq bu müzakirələrin qlobal prosesə töhfə verəcəyini deyib.

O, Baku TV-yə müsahibəsində gənclərin Şamaxıda bir araya gəlməsini Azərbaycan irsinin nümunəsi adlandırıb. M.Babayev həmçinin Afrikada və Nyu-Yorkda keçiriləcək iqlim həftələrinin COP29 öncəsi xüsusi əhəmiyyət daşıdığını bildirib.

Diqqətə çatdırılıb ki, Yay Düşərgəsində eko-məktəblərin təcrübəsi öyrənilib, müxtəlif ölkələrdən mütəxəssislərin iştirakı ilə qrup çalışmaları aparılıb.

#Şamaxı