Prezidentin sədr təyin etdiyi şəxs kimdir?

Prezident İlham Əliyev Fövqəladə Hallar Nazirliyinin Su Ehtiyatları Dövlət Agentliyinin, “Azərsu” ASC-nin və Meliorasiya və Su Təsərrüfatı ASC-nin ləğvi, əvəzində Azərbaycan Dövlət Su Ehtiyatları Agentliyinin yaradılması haqqında fərman imzalayıb. Bu quruma rəhbərlik isə prezidentin sərəncamı ilə Zaur Mikayılova həvalə edilib.

Bu günə qədər Meliorasiya və Su Təsərrüfatı Açıq Səhmdar Cəmiyyətinin sədri vəzifəsində çalışan Zaur Mikayılov əslində kimdir?

O, 1974-cü ildə Şamaxı şəhərində anadan olub. 1999-cu ildə Türkiyə Cümhuriyyətinin Boğaziçi Universitetinin Biznesin idarə olunması fakültəsini bitirib. 1999-2009-cu illərdə telekommunikasiya sahəsində mobil operatorlarda marketinq meneceri, baş direktor müavini kimi bir sıra vəzifələrdə çalışan Z.Mikayılov 2009-2016-cı illərdə “Paşa İnşaat” şirkətində Obyektlərin İstismarı, Biznes Mərkəzinin baş meneceri, Daşınmaz Əmlakın idarə olunması departamentində baş menecer vəzifələrində işləyib. 2016-2018-ci illərdə “Agro Dairy” MMC-də baş menecer, 2018-2021-ci illərdə “Azərbaycan Supermarketləri” MMC-də icraçı direktor vəzifəsində çalışıb. Ailəlidir, üç övladı var.