Qarabağda son təxribat : Sərhəd bağlanacaq? - Qarabağ xronikası 110

Baku TV-nin efirində yayımlanan “Qarabağ xronikası” verilişinin yeni buraxılışı efirə gedib.

Verilişin aparıcısı, hərbi müxbir Fərdin İsazadə budəfəki buraxılışda Qarabağda törədilən son təxribatın pərdəarxası haqqında danışıb.

O bildirib ki, Laçın-Xankəndi yolunun Şuşa şəhəri ərazisində keçirilən aksiya separatçıların planlarını əsaslı şəkildə pozub: “Onlar indi bu yoldan istifadə etməklə nə Qarabağa silah-sursat daşıya bilir, nə də taladıqlarını buradan çıxara bilir. Həmçinin martın 1-də Xocalıda ermənilərlə keçirilən görüş də müstəqillik xülyası ilə yaşayan separatçı zümrənin planlarını alt-üst edib”.