Qarayara xəstəliyi görün necə yayıldı | Baytar detalları danışdı

Azərbaycanda qarayara xəstəliyinə yoluxma baş verib.

Belə ki, 3 nəfər Zaqatala rayon sakini bu xəstəliyə yoluxma diaqnozu ilə Kliniki Tibbi Mərkəzə hospitalizasiya olunub.

Açıqlanan analizlərin cavabında həmin şəxslərin qarayara xəstəliyinə yoluxduğu məlum olub.

Baytar Səməd Mirzəyev sözügedən xəstəliyin mal-qara vasitəsilə yayıldığını söyləyib:

“Heyvanı temperaturu olub deyə kəsiblər, ətini də qohumlar arasında paylayıblar. Kəsən adamın sözlərinə görə, barmağında yara olub, əti doğrayanda da ondan keçib. Analizlərin nəticələrinə əsasən, hər üç şəxsin də qarayaraya yoluxduğu təsdiqlənib. Onların üçünün də əllərində yara olduğuna görə bu xəstəlik özünü büruzə verib”.