Qatarların qrafikində dəyişiklik olacaq? - ADY hava şəraiti ilə bağlı xəbərdarlıq etdi - Baku TV

"Azərbaycan Dəmir Yolları" ölkə ərazisində müşahidə olunan yağışlı və küləkli hava şəraitinin yarada biləcəyi çətinliklərin aradan qaldırılması üçün müvafiq tədbirlər görür.

Bu barədə qurumdan məlumat verilib. Xəbərə görə, hazırda qatarlar qrafik üzrə hərəkətini davam etdirir, əməkdaşlar tərəfindən bütün ərazilərə nəzarət edilir.

"Bəzi sahələrdə təhlükəsizliyin təmin edilməsi məqsədilə sürət həddinin endirilməsi səbəbindən qatarların qrafikində qismən kənara çıxma halları ola bilər", – deyə Qapalı Səhmdar Cəmiyyətindən bildirilib.

"Azərbaycan Dəmir Yolları" hərəkət iştirakçılarına bu cür hava şəraitində dəmiryol keçidlərindən istifadə zamanı yüksək sayıqlıq göstərməyi və ehtiyatlı olmağı tövsiyə edir, sərnişinlərdən isə stansiya və platformalarda qatarları gözləyərkən diqqətli olmaları xahiş edilir.