Qaz üzünə həsrət qalan kənd

Qax rayonunun dağlar qoynunda yerləşən Qum kəndində ilin bütün fəsillərində qazın olmaması sakinləri çətinə salıb. Yanacaq kimi isə odundan istifadə etmək lazım gəlir ki, onun da bir maşını 300 manatdan çox xərc aparır.

Nəzərə alsaq ki, şimal-qərb bölgəsində şaxtalı qış günlərinin sayı çox olur, o zaman bir maşın odun qış fəslinə kifayət etmir. Azı 3 maşın odun almalısan ki, bu da hər ailənin büdcəsinə uyğun gəlmir.

Bir iş də var ki, meşələrdən odun gətirmək də qadağandır. Çarəsiz qalan sakinlər isə həyətlərindəki ağacları kəsməli olurlar.