Qazaxlı şagirdləri çətin vəziyyətdə qoyan məktəb yolu | Təhsil şöbəsinin açıqlaması isə….

Təhsil almaq üçün nə az, nə çox, düz 8 kilometrə yaxın yol gedirlər.

Söhbət Qazaxın Məzəm və Abbasbəyli kəndində yaşayan şagirdlərdən gedir.

Belə ki, bu kəndlərin sakinləri övladlarını təhsil almaq üçün Alpouta yola salırlar. Bu isə balacaların hər gün kilometrlərlə yol qət etməsinə səbəb olur.

Şagirdlərin hər gün məktəbə 8 kilometr yol getməsi onlar üçün bir çox çətinliklər törədir.

Məsələ ilə bağlı Qazax-Tovuz Regional Təhsil İdarəsindən bildirilib ki, Abbasbəyli və Məzəm kəndlərində fəaliyyət göstərən təhsil müəssisələri ibtidai təhsil səviyyələri üçün nəzərdə tutulub:

“Orta təhsil səviyyəsi üzrə şagirdlər təhsillərini adıçəkilən kəndlərə bitişik Alpout və Quşçu Ayrım kəndlərindəki təhsil müəssisələrində davam etdirirlər. Həmin məktəblərin yaxınlığına qədər ictimai nəqliyyat fəaliyyət göstərir”.