Pleyeri seçin:
Qazsız qalan kənd sakinləri illərdir əziyyət çəkir - Baku TV
Neftçala rayonunun 2-ci Mayak kənd sakinləri mavi yanacağın olmamasından əziyyət çəkirlər.
Onlar Baku TV-nin qaynar xəttinə müraciət edərək illərdir acınacaqlı vəziyyətdə yaşadıqlarını bildiriblər.
“Camaat təzək yığır. Onunla ev qızdırarlar?! Üstümüzdən hiss iyi gəlir. Bir yerə çıxan kimi hamı “bu nə qoxudur sizdən gəlir?” deyirlər. Soba sönən kimi evimiz buz kimi olur”, – deyə sakinlərdən biri narazılığını ifadə edib.
Digər bir vətəndaş isə belə deyib:
“Kənddə heç kim qalmayıb. Cavanlar buradan çıxıb gedir. Qonşuların hamısı xəstə adamlardır. Qazımız yoxdur, hansı dövrdə yaşayırıq?!”.
Məsələ ilə bağlı “Azəriqaz” İstehsalat Birliyindən bildirilib ki, ölkə üzrə qazlaşdırılmamış kəndlərin qazlaşdırılması Birliyin əsas prioritetlərindəndir:
“Qazlaşma proqramı daxili maliyyə imkanlarına uyğun olaraq mərhələli şəkildə həyata keçirilir. Sözügedən yaşayış məntəqəsinə küçə qaz xətlərinin çəkilişi işlərinə növbəti mərhələlərdə baxıla bilər”.
Kopyalandı
#Neftçala teqi istifadə olunub
- Neftçalada güclü yağışlar sakinlər üçün çətinliklər yaratdı - Baku TV
- Neftçalada ilk dəfə Balıq Festivalı keçirilib
- Neftçalada nikah yaşına çatmayan qızın planlaşdırılan toy mərasiminin qarşısı alındı
- "Ay bala, onu niyə öldürdün?" | Bir anlıq hirs qandonduran ailə faciəsinə səbəb oldu?
- "Maşınlarımız dağılır, gedib-gəlmək olmur” | Qəzalı körpü niyə təmir edilmir?
Seçilmişlər
