Qeyri-sabit hava şəraiti nə vaxtadək davam edəcək?

Azərbaycanda sentyabrın 19-dan 21-i səhərədək gözlənilən küləkli hava şəraiti ilə bağlı sarı və narıncı xəbərdarlıq verilib.

Bu barədə Milli Hidrometeorologiya Xidməti məlumat yayıb.

Bildirilib ki, sentyabrın 19-u və 20-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. 18-dən 19-na keçən gecə və axşam saatlarında və 20-də fasilələrlə yağış yağacağı ehtimal olunur. Mülayim şimal-şərq küləyi 19-u axşam şimal-qərb küləyi ilə əvəz olunacaq. Sentyabrın 20-si gün ərzində güclü şimal-qərb küləyi əsəcək. Havanın maksimal temperaturu 20-25 dərəcə isti olacaq.

Bölgələrdə də sentyabrın 19-u və 20-də hava şəraitinin arabir yağıntılı olacağı gözlənilir. Ayrı-ayrı yerlərdə yağıntıların leysan xarakterli intensiv və güclü olacağı, dolu düşəcəyi, şimşək çaxacağı, yüksək dağlıq ərazilərdə isə qar yağacağı ehtimal olunur. Mülayim qərb küləyi bəzi yerlərdə arabir güclənəcək. Havanın maksimal temperaturu Aran rayonlarında 18-23, dağlıq ərazilərdə isə 7-12 dərəcə isti olacaq.