“Qobu Park”dakı sahibsiz itlər təhlükə saçır

Bir neçə gün əvvəl Bakının Qaradağ rayonundakı “Qobu Park” yaşayış komplekslərində sahibsiz itlərin azyaşlıya hücum etməsi burada yaşayan sakinləri əməllicə qorxuya salıb.

Onların sözlərinə görə, itlərin yaratdığı təhlükəli vəziyyət davam edir və bununla bağlı hələ də tədbir görülməyib:

“Bakıdakı bütün yiyəsiz itləri bura töküblər. Heç bir tədbir görülməyib. Binanın arxasında itlər doludur”.

Qobu Park 1-2 yaşayış kompleksinə baxan Mənzil Kommunal İstismar sahəsinin nəzarətçisi isə sakinlərin iradları ilə razılaşmır.

“Ərazidəki bütün itləri tutub verdik apardılar”, – deyə nəzarətçi bildirib.