"Ağır yaralılarımızı erməni futbolçunun villasına aparırdıq" | 44 GÜN ƏSGƏR RƏŞADLA

Baku TV-də “44 gün” verilişinin növbəti buraxılışı efirə gedib.

Verilişdə Vətən müharibəsi qazisi Həmzə Məmmədov müharibədə yaşadığı ən maraqlı andan danışıb:

“Düşmənin gözləmədiyi istiqamətdən irəliləyərək Şuşaya daxil olduq. Sonra hər tərəfdən atəş açmağa başladılar. Birdən erməni hərbçilərdən biri balkona çıxıb “niyə qoymursunuz yataq?” dedi. Elə oradaca silahla vurduq. Balkondan asılı qaldı”.

O, düşmənin hiyləgər planından da bəhs edib: “Meşədə 150 erməni əsgərini pusquya salmışdıq. Onlardan biri Azərbaycan dilində “su ver” deyə yalvarırdı. Sonra komandir dedi ki, ermənilərdən biridir. Bizi pusquya salmaq istəyirlər”.

Qazi Şuşa uğrunda gedən döyüşlərdə ağır yaralı əsgərləri erməni futbolçunun villasına apardıqlarını da söyləyib.