Pleyeri seçin:
"Arxamca "marqatladı" ki, sizi..." | Avtomobil şirkəti alıcıların başına oyun açıb? - Baku TV
Xəbərlərimizi Google-da izləyin
Yeniliklərdən dərhal xəbərdar olun
Baku TV-nin qaynar xəttinə müraciət edən bir qrup vətəndaş avtomobil satışı ilə məşğul olan “Sundeer Cars” şirkəti tərəfindən dələduzluğa məruz qaldıqlarını iddia edir.
Şikayətçilərin sözlərinə görə, onlar ilkin ödəniş edərək avtomobili əldə edib, daha sonra müqavilə əsasında aylıq ödənişlər həyata keçiriblər. Müəyyən müddət ödəniş etdikdən sonra isə nəqliyyat vasitəsinin onların adına keçiriləcəyi vəd edilib.
Onların iddialarına görə, bir müddət sonra avtomobillərin həqiqi sahibləri ortaya çıxaraq nəqliyyat vasitələrini əllərindən alıblar.
“Mənim maşınım gecə saat 3-də xəbərim olmadan evakuatorla qapımın ağzından götürülüb. Ofisə gəldim, gördüm ki, bağlanıb, heç kim yoxdur. Şirkətin sahibinə də zəng çatmır”, – deyə zərərçəkənlərdən biri bildirib.
Digər bir zərərçəkən isə qeyd edib ki, şirkət onlara bütün sənədlərin qanuni olduğunu deyib:
“Bizə deyirdilər ki, hər şey qayda-qanunladır, möhürlü müqavilə təqdim edirdilər. Tam arxayın etmişdilər”.
Əldə olunan məlumata görə, dələduzluq əməlində təqsirli bilinən şirkətin sahibi Müşfiq Abuzərli polis əməkdaşları tərəfindən saxlanılıb. Şəxs barəsində cinayət işi başlanılıb, araşdırmalar davam etdirilir.
Kopyalandı
Seçilmişlər
