Cəmiyyət
Pleyeri seçin:
"Azdrama" Xalq artisti Ramiz Məlikovun ölümü ilə bağlı məlumat yaydı
Azərbaycan kino və teatr sənətinə ağır itki üz verib. Teatr və kino aktyoru, Dövlət mükafatı laureatı, Prezident təqaüdçüsü, “Şöhrət” ordenli Xalq artisti Ramiz Məlikov dekabrın 14-də 80 yaşında vəfat edib.
Bu barədə Akademik Milli Dram Teatrından bildirilib.
Qeyd edək ki, Ramiz Məlikov 4 avqust 1943-cü ildə Bakıda doğulub. Rza Təhmasibdən, Tofiq Kazımovdan, Məlik Dadaşovdan dərs alıb. 1967-ci ildə Akademik Milli Dram Teatrının truppasına aktyor götürülüb. Ramiz Məlikov Azərbaycan Dövlət Televiziyasının hazırladığı “Şərqin şəhəri”, “İnanmırsansa…”, “Kimin sualı var?” və s. əsərlərin tamaşalarında oynayıb. O, 1984-cü ildə Azərbaycan Dövlət mükafatına layiq görülüb. 1982-ci ildə Əməkdar artist, 1998-ci ildə isə Xalq artisti fəxri adları ilə təltif olunub.
Kopyalandı
Seçilmişlər
