"Borcumuz çoxdur, verə bilmirik" | Çıxılmaz vəziyyətdə yaşayan ailə fəryad etdi - Baku TV

Baku TV-nin qaynar xəttinə müraciət edən Şabran rayonunun Padar kəndində yaşayan İsmixanovlar ailəsi ağır sosial şəraitdə yaşadıqlarını bildirərək aidiyyəti qurumlardan kömək istəyib.

Fəhlə kimi çalışan Tural İsmixanov bildirib ki, aldığı maaş ailənin dolanışığına kifayət etmir.

“Fermada işləyirəm. Əllərim ağır işdən pis vəziyyətə düşüb. Mağazalara borcumuz çoxdur. Deyirlər əvvəl borcu bağla, sonra məhsul götür. Dörd uşağım var, uşaqların və evin xərclərini qarşılaya bilmirəm”, – deyə o bildirib.

Aysel İsmixanovanın sözlərinə görə, uşaqlardan biri xəstədir və maddi imkansızlıq səbəbindən müalicəsini davam etdirmək mümkün olmur: “Qızımın böyrəklərində problem var. İmkanımız yoxdur ki, onu həkimə aparaq”.

Əmək və Əhalinin Sosial Müdafiəsi Nazirliyi artıq ailənin müraciətinə baxıldığını və onlara bir il müddətinə aylıq 599,4 manat sosial yardım ayrıldığını açıqlayıb.