"Boz qurd" artıq azaddır | Simvolikalarla dolu "Nabat" filmi

Müharibəni müharibəsiz göstərən “Nabat” filmi.

Azərbaycan kinomataqrafiyasında belə filmlər əvvəllər də olub. “Mən ki gözəl deyildim”, “Tütək səsi”ni buna misal göstərmək olar.

Adıçəkilən filmlərdə bir nəfərin dərdi kəndin dərdidir. Lakin “Nabat”da kəndin dərdi bir nəfərin dərdidir. Müharibənin yükü Nabat xalanın çiyinlərindədir.

Filmdə konkret zaman və məkan anlayışı yoxdur. Bununla barabər rejissorun dialoqlardan az istifadə etməsi, vəziyyəti əşyalar və detallar üzərindən göstərməsi filmin bəşəriliyini artırır.

Nabat yuxusunda şəhid oğlunu ağ atı çimizdirdiyi yerdə görür. Digər müharibə filmlərimizdə olduğu kimi, bu filmdə də ağ at işıqlı günlərə inamdır.

Rejissor bizə tərk edilmiş kəndi sahibsiz evlərdə, kimsəsiz küçələrdə, yarımçıq səhər yeməyində, döşəməyə dağılmış süddə, bombadan dağılmış evin ortasında yanan çarpayıda göstərir.