"Burada ölən olsa..." - Vahimə içində qalan əhali: "Qorxumuzdan nə edəcəyimizi bilmirik" - Baku TV
Baku TV-nin qaynar xəttinə müraciət edən Qaraçuxur qəsəbəsi, Qəzənfər Vəliyev küçəsi, 7 ünvanının sakinləri yaşadıqları ərazidəki baxımsızlıqdan şikayət edirlər.
Onların sözlərinə görə, həyətdəki ağacların bir çoxu quruyub. Hətta ağaclardan biri kökündən qoparaq qaz borusunun üzərinə əyilib və təhlükəli vəziyyət yaradıb.
Sakinlər iddia edirlər ki, mənzil-kommunal istismar idarəsi problemi aradan qaldırmaq əvəzinə ağacı qaz borusuna bağlamaqla kifayətlənib. Bundan əlavə, ərazidə küçə işıqlarının işləmədiyi və sahibsiz itlərin çoxluğu da sakinlərin narahatlığına səbəb olur.
Sakinlərdən biri bildirib: “Gecə aptekə dərman almağa çıxanda qorxudan hansı tərəfdən gedəcəyini bilmirsən. Həmçinin sahibsiz itlər var. Deyilənə görə, narkotik istifadəçiləri ağacların dibində nəsə gizlədir, sonra gəlib axtarırlar. Buna görə gecələr evdən çıxmağa ehtiyat edirik”.
Digər sakin isə təhlükənin ciddiliyinə diqqət çəkərək deyib: “Ağac demək olar ki, sallanır. Həmin vaxt altında uşaq da ola bilər. Sabah hansısa faciə baş versə, bunun məsuliyyətini kim daşıyacaq?!”.
#Qaraçuxur qəsəbəsi teqi istifadə olunub
- Taksi sürücüsünü amansızlıqla qətlə yetirdilər | 30 il əvvəl baş verən qətlin üstü açıldı - Baku TV
- Sakinlər yaşadıqları binanın baxımsızlığından şikayətləndi - Baku TV
- Bakıda vətəndaşların sayğacı oğurlandı | Hər tərəfi söküblər, qalmışıq ortada
- “Saxlayan kimi dava-qırğın düşür” | Məktəbin qarşısında niyə aləm bir-birinə dəyir?
- “Ağac uşaqların gözünə batsa, necə olacaq?!” | Qaraçuxur sakinləri hər gün ölümlə üz-üzə
