"Connect"dən uşaqlara bilik günü hədiyyəsi: şirkət əməkdaşları Ramanada uşaqları ziyarətdə

“Connect” QSC silsiləli şəkildə keçirdiyi sosial layihələri davam etdirir.

“Connect” ailəsi bu dəfə 15 sentyabr “Bilik Günü” münasibətilə Ramana qəsəbəsində yerləşən “Nur Uşaq Evi”ni ziyarət edib.

Sözügedən uşaq evində 30-dan çox azyaşlı və məktəbli uşaqlar qalırlar. Valideyn himayəsindən kənarda qalan bu uşaqlar gələn qonaqları çox böyük maraqla qarşılayıblar. “Connect” əməkdaşları tərəfindən təqdim edilən məktəb ləvazimatları və məişət texnikaları uşaqların sevinc və həyəcanına səbəb olub.

Beləcə, “Connect” heyəti uşaq evinin kiçik sakinləri ilə maraqlı zaman keçiriblər. Sonda uşaqlarla birgə xatirə şəkili çəkilib.

Bu tip Korporativ Sosial Məsuliyyət yönümlü tədbirlərin keçirilməsində əsas məqsəd cəmiyyətin diqqət və mənəvi qayğıya ehtiyacı olan təbəqəsinə dəstək olmaq, onlardan diqqət və qayğını əsirgəməməkdir.

Qeyd edək ki, “Connect” QSC 2005-ci ildən Azərbaycanın bir çox bölgəsində və Bakı şəhərində telekommunikasiya xidmətləri üzrə fəaliyyət göstərir.