"Çox mürəkkəb əsərləri..." | "Azərbaycanın Qurtuluş Salnaməsi" adlı hesabat konserti - Baku TV

10 iyun tarixində Azərbaycan Dövlət Akademik Filarmoniyasında Qara Qarayev adına Mərkəzi İncəsənət Məktəbinin şagirdlərinin Milli Qurtuluş Gününə həsr olunmuş “Azərbaycanın Qurtuluş Salnaməsi” adlı hesabat konserti baş tutub.

Konsertin məqsədi Azərbaycan xalqının müstəqillik yolunda keçdiyi şərəfli tarixi, dövlətçilik ənənələrinin möhkəmləndirilməsini və Milli Qurtuluş Gününün ölkəmizin ictimai-siyasi həyatındakı mühüm rolunu bədii vasitələrlə tamaşaçılara çatdırmaq olub.

Mərkəzi İncəsənət Məktəbinin direktoru Könül Hüseynova bildirib ki, məktəb bir il ərzində böyük uğurlara imza atıb:

“Beynəlxalq layihələrdə fəal iştirak etmiş və ölkədaxili 31 tədbir həyata keçirərək uğurla çıxış etmişdir. Eyni zamanda 14 beynəlxalq müsabiqədə iştirak edən şagirdlərimiz çoxsaylı mükafatlarla təltif olunublar”.