"Hamı zibili yerə tökür" | Zibilxanaya çevrilən Gəncəçay - Baku TV

Gəncəçay yaxınlığında yerləşən fərdi evlərdə yaşayan sakinlər çaykənarı ərazidə yaranmış antisanitar vəziyyətdən şikayət edirlər.

Onların sözlərinə görə, ərazidə məişət tullantıları üçün bir neçə konteyner quraşdırılsa da, bir çox hallarda zibillər çayın yamaclarına atılır. Bu hal isə sanitar baxımdan ciddi narahatlıq yaradır.

Məsələ ilə bağlı Gəncə Şəhər Mənzil Kommunal Təsərrüfatı İstehsalat Birliyindən bildirilib ki, Gəncəçayın məcrası qurumun xidməti ərazisinə aid deyil. Bununla belə, sanitar vəziyyətin nəzarətdə saxlanılması məqsədilə ərazidə genişmiqyaslı təmizlik işləri aparılır. Qurum tərəfindən çayın hövzəsi məişət tullantılarından, ağac və kol-kosdan, eləcə də alaq otlarından təmizlənir.

Qeyd olunur ki, görülən tədbirlərə baxmayaraq, Gəncəçayın ərazisinə məişət tullantılarının atılması hallarına hələ də rast gəlinir.