"Nikosayağı" jurnalistlərin planını pozdu | Yayılan şayiələrin pərdə arxası

“Nikosayağı” kimi tanınan bloger Nicat Şakirlinin cinayət işi üzrə məhkəmənin hazırlıq iclası keçirilib.

Bakı Ağır Cinayətlər Məhkəməsinin hakimi Samir Əliyevin sədrliyi ilə keçirilən proses heç bir səbəb açıqlanmadan qapalı keçirildiyindən jurnalistlərin hər hansı məlumat alması da məhdudlaşdırılıb.

Açıq məhkəmə iclasının qeyri-müəyyən səbəblərə görə qapalı keçirilməsi media nümayəndələrini məcbur etdi ki, blogerin görüntüsünü qeydə almaq üçün Bakı Ağır Cinayətlər Məhkəməsinin bütün giriş-çıxışlarında gözləmə mövqeyində dursunlar.

Bir anın içində şayiə yayıldı ki, “Nikosayağı” məhkəmə binasının arxa yox, ön qapısından çıxacaq. Buna baxmayaraq, avtomobili komvoylar hərəkət edən qapının önündə dayanmışdı. Hər bir halda buna inanmaq sadəlövhlük olardı.

Blogerə məxsus avtomobilin qəfil hərəkət edərək yerini dəyişməsi səhər saat 9-dan yağmurlu havada məhkəmənin qapılarında keşik çəkən jurnalistlərin planını alt-üst etdi. Bir neçə dəqiqədən sonra kameralardan qaçan həmin avtomobilin məhkəmənin ön qapısında dayandığını gördük.

Bu dəfə jurnalistərin göyərçinlərdən xəbər almaqdan başqa yolları qalmadı və onların hərəkətini izləyərək blogerin bu qapıdan çıxacağına əmin oldular və obyektivlər də bu istiqamətə tuşlandı. Nəhayət, “Nikosayağı”təşrif buyuraraq məhkəmənin qapısından çıxdı və avtomobilinə əyləşərək ərazidən uzaqlaşdı.