"O gündən evimizin işığı söndü..." | 20 Yanvar şəhidinin həyat yoldaşından təsirli sözlər - Baku TV
20 Yanvar şəhidi Şakir Ağakişiyevin həyat yoldaşı Qızbacı Ağakişiyeva faciənin ailə həyatında buraxdığı dərin izlərdən danışıb.
Onun sözlərinə görə, həyat yoldaşı 1990-cı il yanvarın 20-də Sovet ordusunun törətdiyi qanlı hadisələr zamanı şəhid olub. Aradan 36 il keçməsinə baxmayaraq, həmin gecənin ağrısı ailənin yaddaşından silinməyib:
“Mənim yoldaşım da həmin gecə Sovet ordusunun qurbanı oldu. Onda onun 30 yaşı yox idi. Yoldaşımın 30 yaşı həmin faciədən 11 gün sonra xiyabanda oldu. O gündən bizim evimizin işığı, çırağı söndü”.
Şəhidin həyat yoldaşı o dövrdə üzərinə düşən ağır məsuliyyətdən də söz açıb:
“İki övladım var idi. Böyük oğlumun 2 yaşı var idi, qızım isə 1 yaş 2 aylıq idi. Digər oğlum Elşən atasının ölümündən beş ay sonra dünyaya gəldi”.
Qızbacı Ağakişiyeva qeyd edib ki, bütün çətinliklərə baxmayaraq, övladlarını atalarına layiq böyütməyə çalışıb:
“Onların üçünü də atalarına layiq övlad kimi böyütmüşəm. Çox ağır dərddir, çox çətindir. Övladlarım böyük olsalar da, yenə də atalarını istəyirlər. Deyirlər ki, atamız olsaydı, hər şey başqa cür olardı”.
#20 Yanvar faciəsi teqi istifadə olunub
- Soydaşlarımız Qanlı Yanvarda Bakıya necə dəstək oldular? - Baku TV
- "O qədər adamı Rusiyaya apardılar" - 20 Yanvar faciəsi Mirnaib Həsənoğlunun obyektivindən - Baku TV
- Dəhşətli gecənin canlı şahidi olanları danışdı | "Orduya işarə etdilər ki..." - Baku TV
- “Üstlərindən tanklarla keçdilər” | 20 Yanvar hadisəsinin şahidi yaşadığı dəhşəti danışdı - Baku TV
- 20 Yanvar faciəsi zamanı metroda nələr yaşanırdı? - "Daha böyük faciə ola bilərdi" - Baku TV
