Pleyeri seçin:
"Pul olanda diplom nəyə lazımdır?" | Elcan Rəsulovun pulsuz günləri - QAPQARA
Xəbərlərimizi Google-da izləyin
Yeniliklərdən dərhal xəbərdar olun
Baku TV-də yayımlanan “Qapqara” verilişinin yeni buraxılışı efirə gedib.
Verilişin budəfəki qonağı aktyor Elcan Rəsulov olub.
O, televiziya üçün canlandırdığı ilk obrazdan danışıb: “Televiziyada ilk rolum qadın obrazı olub. Paltar tapmaq lazım idi. Evdən tapdığım qadın geyimlərini götürüb getmişdim. Çəkiliş Yasamal bazarında idi. Gedib geyindim, başımı bağladım, qrimləndim və başladım “qaralı şor var” deməyə”.
Aktyor iştirak etdiyi müsabiqələrdə qazandığı sertifikat və diplomların faydasız olduğuna da diqqət çəkib:
“Onları düzüb səliqəli saxlamağa çalışırdım. Daha sonra pulsuzluqla üzləşdim. Ailən üçün heç nə etməyə gücün çatmır və bu, bir kişi üçün ağır şeydir. Həmin vaxt bu diplomlar məni qıcıqlandırırdı.
Düşünürdüm ki, onlara görə itirdiyim vaxtda haradasa işləyərdim, pulum olardı və gedib nəsə ala bilərdim. İndi mükafatlandırma mərasimlərinin heç birində iştirak etmirəm. Ancaq Əməkdar artist və Xalq artisti adı veriləndə gedərəm”.
Kopyalandı
Seçilmişlər
