"Qəbiristanlığı darmadağın etdim, 8 nəfər məni..." | "7 ildir yatmayıb ağlayıram" - ARZUNUN VAXTI

“Arzunun vaxtı” verilişinin yeni buraxılışında yardıma ehtiyacı olan Elxan Rəhimovun ağrılı həyat hekayəsi izləyicilərə təqdim edilib.

Verilişin qəhrəmanı Elxan Rəhimov yaşadığı itkilərdən danışıb.

Onun sözlərinə görə, həyat yoldaşını, qızını, daha sonra isə oğlunu itirib.

Ömründə ən ağır zərbəni oğlunun vəfatı ilə aldığını bildirən E.Rəhimov bu itkidən sonra həyatının tamamilə dəyişdiyini deyib.

“Mənim üçün oğlumdan sonra yaşamağın mənası qalmayıb. Onun dərdi ilə gecələr yatmıram, günlərlə yemək yemədiyim olur. Yaşadıqlarımı yalnız eyni dərdi çəkənlər anlayar”, – o söyləyib.

Elxan Rəhimov oğlunun psixoloji problemlərinin olduğunu, psixotrop dərmanlar qəbul etdiyini, gecələr yata bilmədiyini və özünə ziyan vurduğunu da açıqlayıb.

O bildirib ki, övladının xəstə olduğu dövrdə heç kimdən dəstək görməyib:

“Ən yaxın bildiklərim belə mənə arxa çevirdi. Bütün qohumlarımla əlaqəni kəsmişəm”.