"Rəqəmsal məktəb" layihəsi hansı imkanları yaradır? - "Dərsliklər də burada yerləşdirilib" - Baku TV
“Rəqəmsal məktəb” layihəsinin əsas məqsədi Bakı şəhərindəki məktəblərdə bütün idarəetməni rəqəmsal müstəviyə keçirməkdir. Eyni zamanda valideynlərlə münasibətdə kommunikasiyanı səmərəli şəkildə qurmaqdır ki, onlar məktəbdə uşaqların öyrənmə prosesi və nailiyyətləri ilə həmişə tanış ola bilsinlər”.
Bunu Elm və Təhsil Nazirliyinin Təhsil Sisteminin İnformasiyalaşdırılması İdarəsinin rəisi Vüsal Xanlarov “Təhsilin rəqəmsallaşması” mövzusunda media nümayəndələri üçün keçirilən brifinqdə söyləyib.
O məlumat verib ki, şagirdlərin bu portalda qeydiyyatdan keçməsi üçün əvvəlcə valideynləri və ya qəyyumları qeydiyyatdan keçməlidir.
“Şagirdlər portala giriş edərkən ilk növbədə öz qiymətlərini görürlər. Bundan başqa, hansısa şagird dərsi buraxıbsa, həmin fənn və mövzu üzrə dərsləri bu platformada izləyə bilər. Həmçinin dərsliklər elektron şəkildə burada yerləşdirilib”, – deyə V.Xanlarov sözlərinə əlavə edib.
#Elm və Təhsil Nazirliyi teqi istifadə olunub
- "Bu, müəllimlərin vaxtının daha səmərəli təşkilinə imkan verəcək" | Vüsal Xanlarov
- Şagirdlərin 82 faizi genişzolaqlı internetlə təmin olunub
- Bu platformada şagird, valideyn, müəllim və direktor üçün kabinet yaradılıb
- Bu tarixdən təhsillə bağlı hansı dəyişikliklər ediləcək? - Baku TV
- Təhsilin rəqəmsallaşması ilə bağlı yeni mərhələ: Nazirlik rəsmisindən açıqlamalar – Baku TV CANLI
