Pleyeri seçin:
"Saçları töküldü, əri ondan qaçırdı" | "Məzarını bağlatdıracağam, soyuq olmasın..." - ARZUNUN VAXTI
Xəbərlərimizi Google-da izləyin
Yeniliklərdən dərhal xəbərdar olun
“Arzunun vaxtı” verilişinin yeni buraxılışında müğənni Aynur Ədalət rəhmətə gedən qızı Həmidəxanım Hüseynova haqqında danışıb.
Müğənninin sözlərinə görə, Həmidəxanım onun yeganə övladı olub. Aynur Ədalət bildirib ki, illərlə övlad həsrəti çəkdikdən sonra qızını dünyaya gətirib və onu böyük sevgi ilə böyüdüb. Lakin ailə qurduqdan sonra Həmidəxanımın səhhətində ciddi problemlər yaranıb.
Aynur Ədalət qeyd edib ki, qızı ana olmaq istəyib və bu səbəbdən həkim müayinələrindən keçib. Onun sözlərinə görə, Həmidəxanımda polip aşkarlanıb və əməliyyatdan sonra vəziyyəti ağırlaşıb:
“Əməliyyatdan sonra qanaxma başladı, bütün bədəni pis günə qaldı. Sonradan bildik ki, balam qan xərçənginə tutulub”.
Müğənni iddia edib ki, qızı ağır xəstəliklə mübarizə apararkən həyat yoldaşı ondan uzaqlaşıb:
“Balam xəstəliklə savaşanda yoldaşı atıb getdi. Saçları töküldü, əri ondan qaçırdı, yaxın durmurdu. Qızım deyirdi ki, o məni istəmir, apar məni, ayrılım”.
Aynur Ədalət bildirib ki, qızı müalicə üçün Türkiyəyə aparılıb, Ankarada ilik transplantasiyası olunub.
Lakin müğənninin sözlərinə görə, Həmidəxanım son günlərinə qədər həyat yoldaşını gözləyib:
“Gözü qapıda qalmışdı. Hər gün soruşurdu ki, Murad məni soruşur? Mən yenə deyirəm, bəlkə, yanında olsaydı, balam sağalardı. Sağalmasaydı da, heç olmasa, sevgidən yaralı getməzdi”.
Kopyalandı
Seçilmişlər
