"Tələbəsi özündən qabağa getməyən yaxşı müəllim deyil" - "Musiqi necə haram ola bilər?!" | AMİN

“Amin” verilişinin yeni buraxılışında Xalq artisti Mənsum İbrahimov və fəlsəfə doktoru Anar Qafarovla müəllimlik mövzusu müzakirə edilib.

Mənsum İbrahimov müəllimlik fəaliyyətindən söz açaraq bildirib ki, bu peşə onun üçün hər zaman xüsusi dəyər daşıyıb:

“Müəllimlik müqəddəs peşədir. Gənc yaşlarımdan bu sahədə çalışıram, çünki müəllimliyi çox sevirəm. Tələbələrimə təkcə muğamı deyil, həm də səhnə mədəniyyətini, insanlarla düzgün ünsiyyəti öyrədirəm. Hər dərs deyən müəllim ola bilməz. Tələbəsinin uğuruna sevinən, onun özündən də irəli getməsini arzulayan şəxs əsl müəllimdir”.

Fəlsəfə doktoru Anar Qafarov isə adıçəkilən peşənin mahiyyətinə toxunaraq bildirib ki, hər kəsə “müəllim” demək olmaz:

“Müəllimlik etmək və müəllim olmaq fərqli anlayışlardır. Birincisi, sadəcə, məlumat ötürür. Əsl müəllim isə həm özünü, həm də şagirdini bir növ ölümsüzləşdirir, onu əbədiyyətə hazırlayır. Əsl müəllim eyni zamanda fəzilətli cəmiyyət formalaşdıran şəxsdir”.