Pleyeri seçin:
"Uşaqlar oraya necə getsin?!" | Kəndin yeganə məktəbi bağlanır? - Baku TV
Biləsuvarın Günəşli kəndində məktəbin bağlanacağı ilə bağlı yayılan xəbərlər sakinlərin narahatlığına səbəb olub.
4 minə yaxın sakinin yaşadığı kəndin yeganə təhsil ocağı olan 9 illik məktəbdə hazırda 210 şagird təhsil alır.
Baku TV-nin qaynar xəttinə müraciət edən sakinlər bildirirlər ki, məktəbin fəaliyyətinin dayandırılması və ya başqa məktəblə birləşdirilməsi çətinliklərin yaranmasına səbəb olacaq.
“Şagirdlər başqa məktəbə getmək üçün 7 km yol qət etməlidirlər. Uşaqlar oraya necə gedib-gəlsinlər?!”, “Başçı vətəndaşlara deyib ki, məktəb bağlanmalıdır”, – deyə sakinlər narazılıqlarını bildiriblər.
Məsələ ilə bağlı kənd icra nümayəndəliyindən bildirilib ki, məktəb 9 illik olduğu üçün təhsil müəssisəsinin optimallaşdırılması və qonşu kənd məktəbi ilə birləşdirilməsi məsələsi 2024-cü ildə müzakirə olunub.
Şirvan-Salyan Regional Təhsil İdarəsindən isə məktəbin bağlanacağı barədə yayılan məlumatların həqiqəti əks etdirmədiyi qeyd olunub.
Kopyalandı
#Biləsuvar teqi istifadə olunub
- Biləsuvarda bədbəxt hadisə | 41 yaşlı qadın həyatını itirdi - Baku TV
- Üç ayda 9 medal qazanan şagirdin uğur hekayəsi - Baku TV
- "Kömək etmirlərsə, bu kəndi köçürsünlər!" - Problemləri tükənməyən sakinlər etiraza qalxdı - Baku TV
- "Nə vaxtacan belimdə daşıyım?!" - Sakinlər ayağa qalxdı | Bələdiyyə niyə pul istədi? - Baku TV
- "Danışmaq mənə çətindir" | Bu gün Milli Qəhrəman Mübariz İbrahimovun doğum günüdür - Baku TV
Seçilmişlər
