"Wolt" kuryerləri etiraz edir: Təhlükəli şəraitdə işləyirik

“Wolt” çatdırılma şirkətinin kuryerləri ayağa qalxıblar.

Belə ki, işçilər minimum ödənişlərinin 2 manat olmasını tələb edirlər. Həmçinin kuryerlər hava şəraiti və uzaq məsafəyə görə dəyişən ödənişlərini də ala bilmirlər.

“Yağışlı havada, təhlükəli şəraitdə işləyirik”, – şikayətçi deyib.

Hüquq müdafiəçiləri də bildiriblər ki, kuryerlər etiraz etməkdə haqlıdırlar. Çünki onların hüquqları ciddi şəkildə pozulur.

“Onların əmək müqavilələri də yoxdur. Bu o deməkdir ki, həmin işçilər bədbəxt hadisələrdən sığortalanmırlar. Dövlət tərəfindən onların hüquqlarının müdafiə edilməsində də çətinliklər var. Çünki aqreqator şirkətlər kənarda oturublar və işəgötürən rolunu oynamırlar. Çoxlu sayda açıq qalan problemlər var. Onların həlli lazımdır və dövlətin müdaxiləsinə ehtiyac var”, – hüquqşünas Sahib Məmmədov bildirib.