"Xəbərim də yox idi ki..." | Antiterror tədbirlərində şəhid olan polis Rasim Məmmədovun anası

Azərbaycanın ərazi bütövlüyü və suverenliyinin tam bərpası ilə nəticələnən 23 saatlıq antiterror əməliyyatının qəhrəmanlarından biri, şəhid polis serjantı Rasim Məmmədovun ailəsindən hazırlanan xüsusi reportaj Baku TV-də təqdim olunur. Xocavənd rayonu istiqamətində qanunsuz erməni hərbi birləşmələrinin quraşdırdığı minanın partlaması nəticəsində 7 həmkarı ilə birlikdə şəhidlik zirvəsinə ucalan Rasimin anası Xuraman Məmmədova övladının zəhmətkeşliyindən və peşəsinə olan dərin bağlılığından bəhs edir. Şəhid anası o məşum günün xəbərini necə aldığını, məktəbdə dərs deyərkən oğlunun itkisindən xəbərsiz olduğu anları kövrək hisslərlə xatırlayır. Suverenliyimizin qazanılmasında payı olan igid polislərimizin adını yaşatmağın hər bir vətəndaşın borcu olduğunu vurğulayan ana, övladı ilə qürur duyduğunu bildirir. Bu materialda bir şəhid anasının dözümü, qüruru və vətən sevgisi öz əksini tapıb.