"Xəbərsiz gətirib qoyub!" - Qalmaqal: qonşular kişinin əməlinə dözmədi: "4-5 gündür ki..." - Baku TV

Nərimanov rayonu, Təbriz küçəsi 100A ünvanında yerləşən dördmərtəbəli binanın girişində sakinlərdən birinin icazəsiz şəkildə quraşdırdığı konstruksiya bina sakinlərinin narazılığına səbəb olub.

Onların sözlərinə görə, həmin şəxs digər qonşulara məlumat vermədən blokun giriş hissəsində dolab tipli bir qurğu hazırlayıb.

Sakinlərdən biri bildirir ki, etirazlardan sonra tikinti işləri dayandırılsa da, konstruksiya bir neçə gündür olduğu kimi qalıb: “Bir həftə idi orada iş gedirdi. Dedilər sökəcəyik, amma hələ də sökülməyib”.

Başqa bir sakin isə bu addımı müsbət qiymətləndirib. Onun fikrincə, həmin yerin nəzarətsiz qalması müxtəlif xoşagəlməz hallara yol açırdı: “Biri girib pivə içirdi, biri nəşə çəkirdi. Əgər nəzarətdə olacaqsa, bu yaxşı addımdır”.

Məsələ ilə bağlı ərazi üzrə 114 saylı Mənzil-Kommunal İstismar Sahəsindən bildirilib ki, Baku TV-nin çəkilişindən sonra əməkdaşlar tərəfindən sözügedən konstruksiya sökülüb və ərazi təmizlənib.