Qurbanların sayı durmadan artır | Bu dələduzluqdan özümüzü necə qoruyaq?

Son 1 həftə ərzində dələduzlar vətəndaşların bank hesablarından 180 min manatdan çox pul oğurlayıb. Son zamanlar, demək olar, bütün informasiya platformalarında kiberhücumlarla bağlı kifayət qədər məlumat paylaşılsa da, belə dələduzların qurbanları günbəgün artır.

Dələduzlar vətəndaşları aldatmaq üçün adətən özlərini ya bank əməkdaşı, ya da süni intellekt vasitəsilə səs eyniləşdirilməsi aparıb zərərçəkənin qohumu cildində təqdim edirlər. Vətəndaş bir də ayılır ki, pulu oğurlanıb.

Ekspertlər arzuolunmaz hallardan qorunmaq üçün 2 yol təklif edirlər.

“Xarici nömrələrdən gələn zənglərə diqqət etmək lazımdır. Bank və ya dövlət qurumu adı ilə müraciət olunursa, bu, dələduzluq növüdür. Bundan əlavə, heç kimə bizə məxsus olan məlumatları ötürməməliyik. Bununla da özümüzü bütün təhlükələrdən qorumuş olarıq”, – deyə İnformasiya Texnologiyaları üzrə mütəxəssis Elvin Abbasov bildirib.