Qusarda mühüm konfrans | Din və media münasibətləri gündəmdə - Baku TV

Azərbaycanın şimal bölgəsində – Qusarda “Dini mövzuların mediada təqdimatı: Dini sabitliyin qorunmasında birgə məsuliyyət” mövzusunda baş tutan konfransda din və media münasibətləri müzakirə olunub.

Media mənsublarının, din xadimlərinin iştirak etdiyi tədbirdə dini sabitliyin qorunmasında birgə məsuliyyətin çox vacib olduğu diqqətə çatdırılıb.

Konfransda Azərbaycanda din və media münasibətlərinin sağlam zəmində qurulmasına, eləcə də uğurlu inkişafına diqqət çəkilib.

Bildirilib ki, birgəyaşayış, dini tolerantlıq və multikulturalizm, sadəcə, dövlət siyasəti deyil, Azərbaycan xalqının həyat tərzidir.

Vurğulanıb ki, informasiya artıq sadəcə, xəbər deyil, siyasi təsir vasitəsi, iqtisadi alət, psixoloji silah və milli təhlükəsizliyin əsas elementlərindən biridir.

Qeyd edək ki, konfrans Dini Qurumlarla İş üzrə Dövlət Komitəsi və Qusar Rayon İcra Hakimiyyətinin təşkilatçılığı ilə təşkil olunub. Tədbirin media tərəfdaşı isə “Global Media Group”dur.