“Range Rover”lə sürət həddini aşan qadın barədə polisdən açıqlama
Bakı-Quba-Rusiya sərhədi ödənişli avtomobil yolunda avtomobili yüksək sürətlə idarə edən qadın saxlanılıb.
77-ES-777 nömrə nişanlı “Range Rover” markalı maşını 200 km/saat sürətlə idarə edərək videoya çəkən qadının kimliyi yol polisi tərəfindən müəyyənləşdirilib. Avtomobil saxlanılaraq müvəqqəti duracağa salınıb.
Baş Dövlət Yol Polisi İdarəsinin inspektoru polis leytenantı Elvin Hacıyev bildirib ki, sürücü Əsmət Roman qızı Axundzadə yol hərəkəti qaydalarını kobud şəkildə pozduğuna görə yol polisi əməkdaşları tərəfindən saxlanılıb:
“Onun barəsində ciddi intizam tədbirləri görülüb. Bir daha bütün sürücülərə və yol hərəkət iştirakçılarına müraciət edərək bildiririk ki, reytinq xətrinə bu kimi qayda pozuntularına yol verməsinlər. Nəzərə alsınlar ki, belə şəxslər barəsində ciddi tənbeh tədbirləri görüləcək”.
#Ödənişli yol teqi istifadə olunub
- Güclü yağışlar Bakı-Quba yolunda ciddi fəsadlara səbəb oldu
- Ödənişli yolda selin fəsadları belə aradan qaldırılır | AAYDA-dan görüntülər
- Ödənişli yoldan istifadə edənlər bunları mütləq bilsin
- Ödənişli yolla bağlı vacib yenilik | Artıq bu yoldan istifadə…
- Xaçmazda baş verən dəhşətli qəzanın təfərrüatı | Həkimdən açıqlama
