Raşid Al Xəlifənin Azərbaycanda ilk sərgisi

Heydər Əliyev Mərkəzində bəhreynli rəssam Raşid Al Xəlifənin “İlk qığılcım” adlı sərgisinin açılışı olub. Sərgidə rəssamın ən son instalyasiyaları nümayiş etdirilir.

Müəllifin “Balıq tələsi”, “Mozaika”, “Biz canlı olan hər şeyi sudan yaratdıq”, “Dairəvi əks-etmə” kimi əsərləri ilk dəfə təqdim edilir. Sənət nümunələrinin bəziləri məhz bu sərgi üçün hazırlanıb.

Qeyd edək ki, rəssam əsərlərini onu əhatə edən təbiətdən ilhamlanaraq yaradır. Onun incəsənət nümunələri digərlərindən ənənəvi və müasir memarlığın ətraf mühitlə vəhdəti ilə fərqlənir.