Restoran tikirdilər, sakinlər ayağa qalxdı

Nəsimi rayonu, Cavadxan küçəsi 21 ünvanında yaşayan sakinlər iddia edirlər ki, bir qrup şəxs və ya şəxslər tərfindən qanunsuz olaraq şahmat məktəbi adı altında restoran tikintisinə başlanılıb.

Baku TV-nin əməkdaşı vətəndaşların iddiası üzrə tikinti işlərini həyata keçirən şəxsdən açıqlama almağa çalışsa da, o, qaçaraq ərazidən uzaqlaşıb.

Faktla bağlı Dövlət Şəhərsalma və Arxitektura Komitəsindən bildirilib ki, adıçəkilən ünvanda bəzi şəxslər tərəfindən bir müddət öncə qeyri-qanuni tikinti işlərinin aparılmasına cəhd göstərilərək ərazi hasarlanıb. Həmin ünvana baxış keçirildikdən sonra tədbir görülməsi üçün aidiyyəti dövlət qurumlarına edilmiş müraciət əsasında hasar sökülüb. Hazırda həmin ərazidə hər hansı tikinti işləri aparılmır.

Qeyd edək ki, bu ünvanda tikintiyə icazə üçün Komitəyə müraciət daxil olmayıb.